O 24 de febreiro festexamos o día de Rosalía de Castro, coincidindo coa súa data de nacemento. Este ano preguntámonos: “Que sabemos en realidade sobre Rosalía de Castro?”
Propuxemos unhas preguntas sobre ela e preguntamos entre o alumnado e o profesorado a ver se somos expertos. Este é o resultado! Esperamos aprendades moito!
Hoxe, 24 de febreiro é o Día adicado a Rosalía de Castro. Por todo o país estanse a facer actos que reivindiquen a figura da nosa estupenda poetisa e escritora que, 181 anos despois da súa morte, segue moi presente nos nosos corazóns.
A AELG está a promover diferentes actos que axuden a actualizar a nosa autora e que inciden no importante papel que desenvolveu na súa época e que, hoxe en día están totalmente vixentes. Aquí tedes o enlace para ver as actividades que se teñen programadas
É de salientar a iniciativa da Deputación da Coruña, que a través da súa área de Cultura, pon este luns en libre circulación catro novas imaxes de Rosalía de Castro creadas para a ocasión por catro deseñadoras: Uqui Permui, Aurora Cascudo, Aldara Prado e Paula Mayor. Aquí vos deixo as ilustracións e o enlace á noticia.
Feliz Día de Rosalía!!!!
Hoxe, 24 de febreiro, cumpriuse o 178 aniversario do nacemento de Rosalía de Castro. Dende o noso cole celebrámolo de moitas maneiras distintas. Incluso a propia Rosalía estivo con nós!!!!
Para que vexades todo o que se fixo, aquí tedes un telexornal onde podedes escoitar e ver as actividades. Parabéns a todos polo traballo realizado.
Rosalía estaría moi contenta se vira todo o que facemos no seu aniversario. Así dá gusto cumprir anos.
PARABÉNS ROSALÍA!!!!!!!
Continuamos coas nosas actividades para lembrar a Rosalía. Aquí tedes o vídeo do mural e do recitado do poema que fixeron os nenos e as nenas que están no equipo de normalización lingüística. Parabéns polo voso traballo guapos!!
Como hoxe é o Día de Rosalía de Castro nós quixemos facerlle unha pequena homenaxe. Para iso, repartímonos polas aulas para ler algúns dos seus poemas máis fermosos e a expresar o noso desacordo de que este ano non se incluíra no Calendario do libro e da lectura por parte da Xunta de Galiza.
Para nós é unha figura moi importante e con esta actividade quixemos lembrala. Aquí tedes unha pequena mostra fotográfica da actividade.
Moitas grazas a tod@s pola vosa colaboración. Feliz Día de Rosalía!! 
Hoxe, 24 de febreiro é o día de Rosalía de Castro e na Mata seguimos de celebracións. Aquí tedes unha reportaxe fotográfica do pasado mércores, cando todo o alumnado participou no mural grafiteiro que fixemos de Rosalía. Parabéns a todos os participantes e moitas grazas a Elena Plástica por botarnos unha man neste bonito proxecto.
O vindeiro luns comeza un novo xogo no que só pode participar a ESO. Trátase de buscar pistas e contestar preguntas sonre un personaxe famoso. Para iso poderedes traer os teléfonos móbiles ao colexio e PODEREDES USALOS, SI!!! Aínda que só nesta actividade. Se queredes máis iformación, aquí tedes as Normas
Rosalía é mundial. A nosa escritora pertence ao mundo. Dende aquí queremos sumarnos a esta iniciativa para difundir a súa obra e plasmar a súa cara en todos os recunchos de Galiza. Aquí tes máis información.
Malia rematar o ano de Rosalía acabamos de saber unha boa nova. A RAG presentou uns textos inéditos da nosa escritora. Trátase de tres poemas en castelán e un en galego que se descoñecían ata agora. Aquí tedes a noticia.
No pasado ano 2013 conmemoráronse os 150 anos da publicación do poemario de Rosalía de Castro Cantares gallegos. Isto motivou que lle fixeran moitísimas homenaxes. O vindeiro 24 de febreiro conmemórase o Día de Rosalía e dende A Mata queremos contribuír á súa homenaxe. De momento e para comezar, aquí vos deixamos unha mostra de todas as achegas que se fixeron no eido musical para conmemorar a figura desta grande poetisa das nosas letras.
O Recuncho da Mata 