Día das letras galegas

A autora que se homenaxea no Día das Letras Galegas 2018 é María Victoria Moreno. Escritora nacida circunstancialmente en Cáceres, pero que afirmaba ser galega xa que foi a terra onde viviu a maior parte do seu tempo.

Sobre todo a terra e a lingua coa que se identificaba.

Exposición sobre María Victoria Moreno na entrada do centro

A autora de Anagnórise decidiu defender e reivindicar a lingua galega, ata o punto de dar clases clandestinas da nosa lingua durante a ditadura.

Na entrada do centro estivo durante toda a semana unha exposición bibliográfica da escritora e, ademais, todo aquel que quixera podía deixar plasmado nas fiestras da biblioteca e corredores, manifestacións poéticas en lingua galega.

 

17 de maio. Día das Letras galegas

Achégase o 17 de maio, Día das Letras Galegas e dende o Recuncho da Mata queremos sumarnos á festividade co vídeo “Presume de Galego“.

Todos e todas sabedes que a nosa lingua está en moi baixa forma. Temos que axudar a que non siga caendo nos seus usos e para iso convidámosvos a que lle botedes un ollo e a que o difundades pola rede. Porque a nosa lingua ben merece un gran sorriso.

Mil primaveras máis para o galego!!!!

 

Os tres porquiños viñéronnos visitar

O outro día recibimos a visita dos tres porquiños no Rosal. Tamén estivo o lobo por aquí. Foi unha bonita actuación. Aquí tedes unha pequena mostra

 

Migallas no auditorio do Rosal

Co motivo da celebración da Semana das letras Galegas nos colexios do Rosal, o Cra María Zambrano e o alumnado do 1º e 2º ciclo de primaria da Mata acudiron ao Auditorio a ver a actuación do grupo Migallas. Esperemos que aprenderan a facer pan e axiña nos fagan unha demostración. Ñam, ñam!!

 

Mil primaveras máis para o galego!

O pasado venres, 16 de maio quixemos celebrar a festa das letras galegas na Mata. Celebrámolo de diferentes xeitos. Para o alumnado de 5º e 6º de primaria e para o de secundaria fixemos un pequeno acto que constou do seguinte:

• Escenificación dunha pequena peza de Unha palabra común, que pertence ao libro Made in Galiza de Sechu Sende por parte do alumnado de 4º ESO A
• Interpretación da Muiñeira de Chantada
• Visualización de definicións de palabras feitas por nenos e nenas de primaria
• Escenificación dunha pequena peza de Instrucciones para aprender a hablar gallego, que pertence ao libro Made in Galiza de Sechu Sende por parte do alumnado de 4º ESO B
• Interpretación da Rumba de Montealegre
• Interpretación da obra de teatro Picnic por parte dalgúns profesores do centro.

Esperemos que vos gustase. Aquí tedes un pequeno resumo

 

Correlingua 2014

Aquí tedes unha montaxe con imaxes dos nenos e nenas de terceiro de primaria que este ano participaron no Correlingua 2.014 celebrado en Tui baixo o lema : “GALEGO, O PASO ADIANTE!!”

 

 

Centenario de Díaz Castro

Hoxe celébrase o centenario do nacemento do poeta Xosé María Díaz Castro, poeta ao que este ano se lle adica o Día das Letras Galegas. Aproveitamos esta data para poñer aquí este vídeo que fixeron os alumnos e alumnas do IES Díaz Castro de Guitirz. Dende aquí sumámonos a esta celebración

 

O día das letras 2014 para Díaz Castro

O alumnado do IES de Guitiriz quere reivindicar a figura do gran poeta Díaz Castro e para iso elaboraron o seguinte vídeo.

A ver se o conseguen. Dende aquí dámoslle o noso apoio

O Correlingua no Rosal

Nestes tempos, nos que as nosas palabras están mergulladas e afogadas, agochadas baixo o xugo da incomprensión; nestes tempos, nos que ás palabras lles custa máis saír descubrimos que aquí, no Rosal, flúen con total liberdade e con máis forza que nunca

O pasado venres, tivemos a festa da lingua no Rosal. Ao noso concello achegáronse nenos e nenas de toda a comarca. Dende Tui ou Salvaterra, pasando pola Guarda, Tomiño ou Salceda viñeron ata o Rosal para gozar con nós da nosa lingua.

Aquí tedes unha pequena mostra do que foi ese día.