O luns, 8 de abril, tivemos o privilexio de recibir a visita da escritora María Solar, para falar co alumnado de 6º de primaria que traballou co seu libro titulado “O MEU PESADELO FAVORITO”, que triunfou entre os lectores da escola. María Solar é escritora, xornalista e presentadora da Televisión de Galicia e da Radio Galega. Naceu e vive en Santiago de Compostela. É licenciada en Xornalismo e en Bioloxía, diplomada en Maxisterio, e Especialista en Información Ecolóxica e Ambiental. Na actualidade presenta o programa “A revista fin de semana” na Televisión de Galicia (TVG).
Demostroulles aos rapaces a súa paixón pola escritura, pero sobre todo animounos a perseguir os seus soños con esforzo e traballo constante como fixo ela.
Moitas grazas pola visita!!
O Recuncho da Mata 