O teu lema preferido

Ola a tod@s!

Xa sabedes que a semana pasada fixemos un obradoiro de camisetas no que participastes moitos e moitas de vós.

Aquí vos deixamos un vídeo co estupendo resultado. Parabéns polas vosas camisetas. Sodes uns artistazos!!!!

A música é un tema de Roi Casal, titulado “Maxicamente vello” baseado no poema de Manuel María “A fala” incluído en As rúas do vento ceibe (1979):

Gustaríanos que colaboredes con nós para elixir o lema máis orixinal, polo que vos pedimos que cubrades esta enquisa. Tedes unha semana para dicir cales son os 3 lemas que máis vos gustan!! Ánimo e a participar!!!!

Obradoiro de beatbox

Hoxe pola mañá  recibimos a visita de Carlos Gende, un virtuoso do beatbox. Para os que non saibades que é iso dicirvos que é unha disciplina derivada do hip-hop que consiste en facer música sen tocar instrumentos, unicamente coa voz.

Falounos dos graffittis, dos inicios do hip-hop, incluso dun galego chamado John Balan, que era quen de simular o son dunha trompeta, como puidemos ver nun vídeo que nos amosou.

No obradoiro combinou a teoría e a historia desta disciplina coa práctica. Puidemos ver vídeos, escoitar como facía música coa boca e logo facer nós as nosas propias composicións.

Aquí vos deixamos unha pequena mostra do seu paso polo noso cole

Moitas grazas Carlos, pola túa visita!!!!!!

Día do Libro

Hoxe celebramos o Día do Libro cos apadriñamentos lectores. O alumnado de Secundaria, que eran os padriños, foi buscar os afillados a cadansúa aula. Logo, trasladáronse a un recuncho do centro e léronlles un libro. Todos gozaron moito coa actividade.

Moitas grazas, padriños e afillados por gozar da lectura e celebrar con tanta ilusión o Día do Libro!!!!!!

Coa túa camiseta en galego!

Ola a tod@s!

Esta semana comezamos un obradoiro para facer camisetas con lemas en galego. Só se precisa unhas ceras de cores, un ferro de pasar, tesoiras, cartón, cúter, e … Mooooooittttaaaaaaa imaxinación! Aquí tedes unha mostra das que foron saíndo. Moitas grazas pola vosa participación. Quedaron chulísimas!!!

 

 

 

 

Visita de María Solar

O luns, 8 de abril, tivemos o privilexio de recibir a visita da escritora María Solar, para falar co alumnado de 6º de primaria que traballou co seu libro titulado “O MEU PESADELO FAVORITO”, que triunfou entre os lectores da escola. María Solar é escritora, xornalista e presentadora da Televisión de Galicia e da Radio Galega. Naceu e vive en Santiago de Compostela. É licenciada en Xornalismo e en Bioloxía, diplomada en Maxisterio, e Especialista en Información Ecolóxica e Ambiental. Na actualidade presenta o programa “A revista fin de semana” na Televisión de Galicia (TVG).

Demostroulles aos rapaces a súa paixón pola escritura, pero sobre todo animounos a perseguir os seus soños con esforzo e traballo constante como fixo ela.

 

Moitas grazas pola visita!!

 

Os graffitis chegan ao Rosal

O alumnado de Informática de 4º ESO, traballou cun programa de retoque fotográfico…

En diferentes edificios do Rosal colocaron graffitis de varios artistas!

E chegaron os graffitis ao Rosal…

Un bo traballo!