Arquivo para Decembro, 2013

Xa está aquí a oitava edición do nos concursazo máis agardado. Non perdas a palabra 2014!!! Este ano temos unha novidade. Hai sorpresa, xa que tedes que facer un relato ou unha poesía a partir de…. (as bases están dentro e a fotografía que aparece aquí ten moitísimo que ver).

Esperamos que, coma sempre, participedes tod@s. Cada ano sae un libro máis fermoso grazas ás vosas achegas. Moitas grazas por seguir loitando para que non se perdan as nosas palabras.

Foto non perdas a palabraBases 8º concurso Non perdas a palabra

Advertisements

No pasado ano 2013 conmemoráronse os 150 anos da publicación do poemario de Rosalía de Castro Cantares gallegos. Isto motivou que lle fixeran moitísimas homenaxes. O vindeiro 24 de febreiro conmemórase o Día de Rosalía e dende A Mata queremos contribuír á súa homenaxe. De momento e para comezar, aquí vos deixamos unha mostra de todas as achegas que se fixeron no eido musical para conmemorar a figura desta grande poetisa das nosas letras.

Xa temos na biblioteca do colexio o último exemplar da saga de Astérix. Astérix e os Pictos, o último cómic dos personaxes máis emblemáticos da Galia que loitan contra a invasión romana. Nesta historia Astérix e Obélix terán que rescatar un mozo picto que aparece na súa aldea atrapado nun bloque de xeo. Animádevos a lelo!!!

Aquí tes máis información sobre esta nova

 

Con motivo da celebración do IV Día da Ciencia en Galego o martes 12 de novembro, tivo lugar no noso centro unha videoconferencia vía web, na que a investigadora Marilar Aleixandre, da Universidade de Santiago de Compostela achegounos á vida dos insectos, un proxecto científico que desenvolve na actualidade.

Marilar Aleixandre é Doutora en Bioloxía, catedrática de Ciencias Naturais de Ensino Medio, catedrática de Didáctica das Ciencias na USC e autora dunha extensa e premiada obra narrativa e poética

Datos da actividade:

  • IMG_3309IMG_3308Título: Benqueridos insectos.
  • Sinopse: Benquerida abelliña, sen ti as maceiras non darían froito; benqueridos escaravellos, que volvedes á terra os restos do que foron seres vivos; e a cascarrubia que coida das roseiras, e a colonia das cen mil formigas falando cunha soa voz. Ás veces comémosvos, pois tamén comemos o que amamos.
  • Destinatarios/as: alumnado de 3º ciclo (5º e 6º) de Primaria.
  • Data e hora: martes 12 de novembro entre as 10:30 e as 11:30.

Aquí tedes a súa páxina web: http://www.marilar.org/